olalla rodríguez

QUEN HABITA?

O proxecto fotográfico “¿Quén habita?” Pretende reflexionar acerca do íntimo e único do espazo máis privado de cada un. A través dunha serie de retratos en habitación comprendidos ó largo das diferentes etapas da vida, que nos amosan o persoal de cada un dos individuos, conformando finalmente, un retrato máis completo da persoa.

Ademáis da información visual que nos aporta o retrato en sí, o espazo que rodea á persoa (a súa habitación), é esencial. A habitación é ese espazo íntimo, privado, unha especie de vivenda individualizada, chea de personalidade e cun marcado modo de vida. Está conformada por imaxes, desexos, medos, o pasado e o presente. Con pegadas referentes ás rutinas diarias, ós soños, ás esperanzas ou ó propio ritmo persoal. É a fin de contas, o reflexo da persoa, o espazo onde transcorren os nosos días. O noso escenario en tres dimensións, xa que implica psique e alma. Como diría o poeta francés Noel Arnaud: “Son o espazo onde estou”.

Olalla Rodríguez 

Olalla Rodríguez Soutullo (Ourense, 1992). Graduada na Facultade de Belas Artes en Pontevedra en 2014.