2009 crebas (en curso)

 

   

 

   

 

Escoito e escoitei moitas historias fascinantes de obxectos traídos polo mar, unhas simpáticas e outras tráxicas. O mar cuberto de laranxas ata cambiar de cor, praias poboadas de capachos multicolores (máis propias dunha instalación que dun fenómeno natural), mulleres con impresoras cargadas na cabeza, como noutros tempos se levaban as sellas… Cousas traídas da ribeira que, aos poucos, enchían as casas e conformaban un modo de sentir o mar. Pero tamén se fala de barcos empotrados en areais aos que o mar normalmente non chega, e praias con mortos traídos polas correntes e as mareas, sen esquecer as paisaxes apocalípticas do Prestige e da evacuación do Casón.

 

            

 

 

 A dureza do mar, as condicións en que se navega e as características físicas da costa deron lugar a sucesos sorprendentes. Pero resulta moito máis sorprendente, sen dúbida, a forma en que son vividos e, sobre todo, na que son relatados posteriormente.

 

    

 

Resulta imposible reducir ese mundo a un conxunto de fotografías. Estas imaxes non pretenden describir as crebas, que é como lle chaman os que andan na súa pescuda pola ribeira, senón suxerir. Un intento por achegarse ao potente imaxinario do mar que existe na Costa da Morte.

 

Estas imaxes corresponden ao proxecto en curso CREBAS expostas no Aquarium de A Coruña dende o 23 de abril.

 

DATOS TÉCNICOS:

Copias tipo C montadas en diubond sobre bastidor

DImensións: 1,25 x 1 m agás a cadrada (1m x 1m ) 1 a última  (1,25 x 0,8)